Nok ein spennande og krevjande nordavindseglas 8/6-16

Post date: 08.jun.2016 19:47:54

Utrøna greidde ikkje overgå den kalde nordavinden og det vart hektisk mellom Digernes og Hagen for dei som ikkje hadde reva nok.

På siste legget dreia vinden mot NA og alle måtte baute eit par ekstra gonger før mål. I tetgruppa vart det rimeleg jamnt mellom fleire båtar ved mållina.

Gratulerer til Atle som var først i mål og fekk ny siger i dag. 

Nokre spørsmål knytt til utrekning av tider.

Tabellen viser differanse med berre 1 og 2 sekund på lystida for fleire av båtane. Denne gongen var startbåt ein av dei involverte.

Praksis har vore at frådraget startbåten har for heising av segl, vert trekt frå etter at anna lystid er utrekna.

Dette er gjort for at alle båtar, uavhengig av lystal, skal få same frådraget i tid.

Dersom frådra for heising av segl vert tatt inn som del av lystid, vil båtar med høgt lystal få større frådrag enn båtar med lågt lystal.

Dette til orientering.

Foto: "Ariel"