Retura Hauststormen 2013 - resultat

Så var årets siste regatta over. Dagen starta med nydeleg morgonsol og etter kvart eit yrande liv på brygga. Heile 11 båtar stillte til start på Rjåneset, etter Gundermetoden. Fin og jamn vind frå Vartdalsfjorden/Ørstafjorden gjorde at båtane starta i tur og orden etter utrekna starttid. Det var eit mellomrom mellom dei seks første og dei fem siste båtane, men etter runding på Berkneset byrja det å samle seg. Ved Raudøyholmen vart det meir eller mindre stopp for dei fleste. Eit par båtar greidde likevel å halde siget gjennom stilla, og fekk dermed eit forsprang innover fjorden. Frå Raudøya og innover mot Digernes var det jamn sønnavind, men så spakna det igjen innst i fjorden. Da ingen greidde maksimaltida vart det bestemt avkorting på Digernes. Ti båtar fekk dermed plassering. Gratulerer til Sivert Vågen og hans mannskap for ein suveren siger. Etterpå var det høg pizzafaktor med utdeling av premiar og vandrepokal.